| c.281r | |
 |
Amix robert fey que dey vos Ben fe noia dauols co(m)panhos Et enoyan la mars el vens Que nom sembla ni vos ni gens Edome ques fay desdenos Lay on no(n) es loc ni sazos Men vey de paupres presens Chaualliers paupres ergulhos Qui no(n) pot far co(n)dutz ni dos Menueya rix homs desconoyssens Que cuia eser entendens Enon sap ques hay sus ni ios Et enuiam cels q(i)s ten bos Que pauc diz ben e fay en mens Li lausengier e lienuios |
| c.281v | |
 |
Menuejan molt e li iaglos Et enueyam lonc parlamens Et estar entres croyas gens Et hom menueya trop uos E co(m)panhia de garsos E chaualliers mal a culhens Homs messongier mal enginhos Menueia et homs trop cobeytos Et enueiaz come(n)samens. Maluays ecroys dissinimens et homs menueya trop gylos El cel qui es trop enueios Menueia homs trop recresens Rix homs alegres eioyos Larx e finix e de bel respos Meplaz e bels capteneme(n)tus. E cors on vey homes valens e plaz mi bella messios. |