[c. 17ra]
 |
Les douces dolours. (et) li mal plesant. qui uienent damours. sont douz (et) cuisant. (et) qui fet fol hardement. apaines aura secor(s) ien fiz. (un) dont la poors. men tient Bien est granz folors el cors. que ien sent. damer loiau ment. qui porroit aillors chang(ier). son talent. he diex ien ai apriz ta(n)t quancois seroit une tours. porte e aterre de flours. (con)men ueist re creant. |
 |
Lonc respit mont mort (et) grant desirrier. (et) ce qua son tort me uelt corroucier mainz. en fera a pri sier. se ie nai de li (con)fort quel mo(n) de na rienz si fort. pour li ne me fust legier. Ie chant (et) deport por moi soula cier. (et) uoi ni a fors ennui (et) dang(ier). si porra b(ie)n perill(ier) q(ua)nt ne puis ue nir aport. ne ie nai aillors resort |
[c. 17rb]
 |
sanz male lance brisier. Dame iai tout miz (et) cuer (et) pe(n) ser en uous (et) tout miz sanz ia remuer. se ie uouloie aconter. uostre biaute uostre priz. ia uroie trop anemiz. pour ce ne men os paller. Dame ie ni puis durer car tout ades mira pis. tant que uous diez amis. ie uous uueil mamour donner. |
| I | |
| Les douces dolours. (et) li mal plesant. qui uienent damours. sont douz (et) cuisant. (et) qui fet fol hardement. apaines aura secor(s) ien fiz. (un) dont la poors. men tient el cors. que ien sent. |
Les douces dolours et li mal plesant qui vienent d’amours sont douz et cuisant, et qui fet fol hardement a paines avra secors. J’en fiz un dont la poors m’en tient el cors que j’en sent. |
| II | |
| Bien est granz folors damer loiau ment. qui porroit aillors chang(ier). son talent. he diex ien ai apriz ta(n)t quancois seroit une tours. porte e aterre de flours. (con)men ueist re creant. |
Bien est granz folors d’amer loiaument. QQui porroit aillors changier son talent! He, Diex! J’en ai apriz tant qu’ançois seroit une tours portee a terre de flours c’on m’en veïst recreant. |
| III | |
| Lonc respit mont mort (et) grant desirrier. (et) ce qua son tort me uelt corroucier mainz. en fera a pri sier. se ie nai de li (con)fort quel mo(n) de na rienz si fort. pour li ne me fust legier. |
Lonc respit m’ont mort et grant desirrier et ce qu’a son tort me velt corroucier. Mainz en fera a prisier, se je n’ai de li confort, qu’el monde n’a rienz si fort pour li ne me fust legier. |
| IV | |
| Ie chant (et) deport por moi soula cier. (et) uoi ni a fors ennui (et) dang(ier). si porra b(ie)n perill(ier) q(ua)nt ne puis ue nir aport. ne ie nai aillors resort sanz male lance brisier. |
Je chant et deport por moi soulacier et voi n’i a fors ennui et dangier, si porra bien perillier quant ne puis venir a port, ne je n’ai aillors resort sanz male lance brisier. |
| V | |
| Dame iai tout miz (et) cuer (et) pe(n) ser en uous (et) tout miz sanz ia remuer. se ie uouloie aconter. uostre biaute uostre priz. ia uroie trop anemiz. pour ce ne men os paller. |
Dame, j’ai tout miz, et cuer et penser, en vous et tout miz sanz ja remuer. Se je vouloie aconter vostre biauté, vostre priz, j’avroie trop anemiz; pour ce ne m’en os paller. |
| VI | |
| Dame ie ni puis durer car tout ades mira pis. tant que uous diez amis. ie uous uueil mamour donner. |
Dame, je n’i puis durer, car tout adés m’ira pis, tant que vous diez: «Amis, je vous vueil m’amour donner». |
Links:
[1] https://gallica.bnf.fr/ark:/12148/btv1b84386028/f47.item
