[c. 15ra]
 |
Li rois de nauarre. De ma dame souue nir. fait amors lie mon co rage. qui me fait ioiant morir. si la truis uers moi sauuage. la bele que tant desir. fera demoi son plaisir. que touz sui siens sanz fau |
[c. 15rb]
 |
ser. nus ne peut trop ache ter. les biens quamors peut Bele et bone a uos seruir. uu eil estre tout doner. mon aage. si sui u(ost)re sans faillir. (et) de cuer (et) de corage. car me daingniez retenir. amors par u(ost)re plaisir. fai tes li demoi remenbrer. nus ne peut. Une costume aamors. q(ui) amis forment mestroie. ple re li fait ce me semble por lamoie. que nus biens ne peut daillors uenir fors dou haut secors quen li me doi(n)t dex trouer. nus. Et qui ses tres grans ua lors. ueut deuiser toutes uoi es. est ele sus les meillors. quades mesteut que la uoie. (et) que sa fresche colors. soit en mon cuer mireors. dex con si fait biau mirer. n(us). Atendre mestuet issi. simest |
[c. 15va]
 |
uis que ie foloie. ie ne cuit trouer merci si ferai uoir to te uoie. quen madame trop me fi. ne ie nai pas deserui. quele mi doie greuer. nus. Chancon ua tantost (et) di. ablazon amon ami quil te face chanter nus. |
| I | |
| De ma dame souue nir. fait amors lie mon co rage. qui me fait ioiant morir. si la truis uers moi sauuage. la bele que tant desir. fera demoi son plaisir. que touz sui siens sanz fau ser. nus ne peut trop ache ter. les biens quamors peut doner. |
De ma dame souvenir fait Amors lié mon corage, qui me fait joiant morir, si la truis vers moi sauvage. La bele que tant desir fera de moi son plaisir, que touz sui siens sanz fauser. Nus ne peut trop acheter les biens qu’Amors peut doner. |
| II | |
| Bele et bone a uos seruir. uu eil estre tout mon aage. si sui u(ost)re sans faillir. (et) de cuer (et) de corage. car me daingniez retenir. amors par u(ost)re plaisir. fai tes li demoi remenbrer. nus ne peut. |
Bele et bone, a vos servir vueil estre tout mon aage, si sui vostres sanz faillir et de cuer et de corage. Car me daingniez retenir, Amors, par vostre plaisir. Faites li de moi remenbrer! Nus ne peut… |
| III | |
| Une costume aamors. q(ui) amis forment mestroie. ple re li fait ce me semble por lamoie. que nus biens ne peut daillors uenir fors dou haut secors quen li me doi(n)t dex trouer. nus. |
Une costume a Amors qui amis forment mestroie: plere li fait. Ce me semble, por la moie, que nus biens ne peut d’aillors venir fors dou haut secors qu’en li me doint Dex trover. Nus… |
| IV | |
| Et qui ses tres grans ua lors. ueut deuiser toutes uoi es. est ele sus les meillors. quades mesteut que la uoie. (et) que sa fresche colors. soit en mon cuer mireors. dex con si fait biau mirer. n(us). |
Et qui ses tres grans valors veut deviser, toutes voies est ele sus les meillors; qu’adés m’esteut que la voie et que sa fresche colors soit en mon cuer mireors. Dex! con s’i fait biau mirer! Nus… |
| V | |
| Atendre mestuet issi. simest uis que ie foloie. ie ne cuit trouer merci si ferai uoir to te uoie. quen madame trop me fi. ne ie nai pas deserui. quele mi doie greuer. nus. |
Atendre m’estuet issi, si m’est vis que je foloie. Je ne cuit trover merci, si ferai, voir, tote voie; qu’en ma dame trop me fi, ne je n’ai pas deservi qu’ele m’i doie grever. Nus… |
| VI | |
| Chancon ua tantost (et) di. ablazon amon ami quil te face chanter nus. |
Chançon, va tantost et di a Blazon, a mon ami, qu’il te face chanter! Nus… |
Links:
[1] https://gallica.bnf.fr/ark:/12148/btv1b530003205/f37.item
