[c. 64va]
 |
De nouuiau mestuet chanter ou tens que plus sui marris q(ua)nt ne puis merci trouer bien doi chant(er) aenuiz. ne ie nos a li parler de ma chan con faz message que tant est cortoise (et) Se pois se oubli sage que ne puis aillors penser. er sa biau te (et) ses bons diz (et) son tres douz esgarder bien poisse estre garis mes nen puis mo(n) cuer oster tant i pens de fin corage espoir sai fait g(ra)nt folaige mes moi couient en |
[c. 64vb]
 |
durer Chascuns dit qui muert damors mes ie nen quier ia morir mielz aim sos frir ma dolor uiure (et) atendre (et) languir quele me puet bien merir mes max (et) ma (con)sirree. naime pas adroit qui bee q(ue) len porroit auenir. Dame qui a grant paor souuent lestuet esbahir (et) penser a tel folor dont ie ne me puis tenir sil est a uostre plaisir siert b(ie)n ma peine sauuee que seul de la desirree me fait mon cuer resbaudir. Nus ne puet grant ioie auoir sil nera des max apris qui toz iors fait son uoloir apaine ert ia fins amis por ce fait amors doloir q(ue)le uelt guerredon rendre caux qui bien seuent atendre (et) seruir a son uoloir. Dame dex tot mon pooir mo tro auos sanz (con)tendre que sanz uos ne me puet rendre nus bien ne ne quier a uoir. |
| I | |
| De nouuiau mestuet chanter ou tens que plus sui marris q(ua)nt ne puis merci trouer bien doi chant(er) aenuiz. ne ie nos a li parler de ma chan con faz message que tant est cortoise (et) sage que ne puis aillors penser. |
De nouviau m’estuet chanter ou tens que plus sui marris. Quant ne puis merci trover, bien doi chanter a enviz; ne je n’os a li parler. De ma chançon faz message, que tant est cortoise et sage que ne puis aillors penser. |
| II | |
| Se pois se oubli er sa biau te (et) ses bons diz (et) son tres douz esgarder bien poisse estre garis mes nen puis mo(n) cuer oster tant i pens de fin corage espoir sai fait g(ra)nt folaige mes moi couient en durer |
Se poïsse oublier sa biauté et ses bons diz et son tres douz esgarder, bien poïsse estre garis; més n’en puis mon cuer oster, tant i pens de fin corage. Espoir s’ai fait grant folaige, més moi covient endurer. |
| III | |
| Chascuns dit qui muert damors mes ie nen quier ia morir mielz aim sos frir ma dolor uiure (et) atendre (et) languir quele me puet bien merir mes max (et) ma (con)sirree. naime pas adroit qui bee q(ue) len porroit auenir. |
Chascuns dit qui muert d’amors, més je n’en quier ja morir. Mielz aim sosfrir ma dolor, vivre et atendre et languir, qu’ele me puet bien merir mes max et ma consirree. N’aime pas a droit qui bee que l’en porroit avenir. |
| IV | |
| Dame qui a grant paor souuent lestuet esbahir (et) penser a tel folor dont ie ne me puis tenir sil est a uostre plaisir siert b(ie)n ma peine sauuee que seul de la desirree me fait mon cuer resbaudir. |
Dame, qui a grant paor souvent l’estuet esbahir et penser a tel folor dont je ne me puis tenir. S’il est a vostre plaisir, s’iert bien ma peine sauvee, que seul de la desirree me fait mon cuer resbaudir. |
| V | |
| Nus ne puet grant ioie auoir sil nera des max apris qui toz iors fait son uoloir apaine ert ia fins amis por ce fait amors doloir q(ue)le uelt guerredon rendre caux qui bien seuent atendre (et) seruir a son uoloir. |
Nus ne puet grant joie avoir, s’il ne ra des max apris. Qui toz jors fait son voloir, a paine ert ja fins amis. Por ce fait Amors doloir, qu’ele velt guerredon rendre caux qui bien sevent atendre et servir a son voloir. |
| VI | |
| Dame dex tot mon pooir mo tro auos sanz (con)tendre que sanz uos ne me puet rendre nus bien ne ne quier a uoir. |
Dame, dex tot mon pooir m’otro a vos sanz contendre, que sanz vos ne me puet rendre nus bien ne ne quier avoir. |
Links:
[1] https://gallica.bnf.fr/ark:/12148/btv1b84192440/f146.item
