[c. 312vb]
 |
De chanter ne me puis tenir de la tres bele esperitaus. cui riens el mont ne puet seruir q(ue) ia uaigne honte ne maus. car li rois celestiaus qui en li daig na uenir ne porroit mie soffrir q(ui) la sert quil ne fust saus Quant diex tant la uolt tant obeir qui nestoit muables ne faus. bien nos ideuons dont tenir dou ce roine naturaus. cil qui uos sera feaus uos li saurez bien merir deuant uos por ra uenir plus clers questoile iornaus. Vostre grant biautez qui resplent fait tout le mont esclarcir. (et) a la(n)nemi tolir. nos. (et) giter de torm(en)t. par uos aurons uaniem(en)t (et) par uos serons garni Da uid le sot premierem(en)t q(ue) de li deuiez issir [1] quant il parla si hautem(en)t de la |
[c. 313ra]
 |
bouche dou saint espir. uos nesties mie a florir ainz auiez flor si puissant. cest dieu qui onq(ue)s ne menti (et) par tout fait son plaisir Dame plainne de grant bo(n) te de courtoisie (et) de pite. par uos est touz ra(n)luminez li mondes nes li renoiez. quant il seront rauoie. (et) croiro(n)t q(ue) diex soit nez seront sauf bien le sauez dame aiez de nos pitie. Douce dame or uos pri ie merci q(ue) me deffendez. q(ue) ie ne soie damp nez ne perduz par mo(n) pechie. |
[1] Wallenskold 1925, p. 210, pubblica in apparato issu eppure, a ben vedere, il tratto superiore della r risulta sbiadito a causa dell'usura a cui è stata sottoposta la carta, che ha compromesso la lettura anche del punto metrico e dell'occhiello della a di hautement.
| I | |
| De chanter ne me puis tenir de la tres bele esperitaus. cui riens el mont ne puet seruir q(ue) ia uaigne honte ne maus. car li rois celestiaus qui en li daig na uenir ne porroit mie soffrir q(ui) la sert quil ne fust saus |
De chanter ne me puis tenir de la tres bele esperitaus, cui riens el mont ne puet servir que ja vaigne honte ne maus; car li Rois celestïaus, qui en li daigna venir, ne porroit mie soffrir qui la sert qu’il ne fust saus. |
| II | |
| Quant diex tant la uolt tant obeir qui nestoit muables ne faus. bien nos ideuons dont tenir dou ce roine naturaus. cil qui uos sera feaus uos li saurez bien merir deuant uos por ra uenir plus clers questoile iornaus. |
Quant Diex tant la volt tant obeïr, qui n’estoit muables ne faus, bien nos i devons dont tenir, douce royne naturaus! Cil qui vos sera feaus vos li savrez bien merir; devant vos porra venir plus clers qu’estoile jornaus. |
| III | |
| Vostre grant biautez qui resplent fait tout le mont esclarcir. (et) a la(n)nemi tolir. nos. (et) giter de torm(en)t. par uos aurons uaniem(en)t (et) par uos serons garni |
Vostre grant biautez, qui resplent, fait tout le mont esclarcir et a l’Annemi tolir nos et giter de torment. Par vos avrons vanjement et par vos serons garni. |
| IV | |
| Da uid le sot premierem(en)t q(ue) de li deuiez issir quant il parla si hautem(en)t de la bouche dou saint espir. uos nesties mie a florir ainz auiez flor si puissant. cest dieu qui onq(ue)s ne menti (et) par tout fait son plaisir |
David le sot premierement que de li devïez issir, quant il parla si hautement de la bouche dou Saint Espir. Vos n’esties mie a florir, ainz aviez flor si puissant: c’est Dieu qui onques ne menti et par tout fait son plaisir. |
| V | |
| Dame plainne de grant bo(n) te de courtoisie (et) de pite. par uos est touz ra(n)luminez li mondes nes li renoiez. quant il seront rauoie. (et) croiro(n)t q(ue) diex soit nez seront sauf bien le sauez dame aiez de nos pitie. |
Dame, plainne de grant bonté, de courtoisie et de pité, par vos est touz ranluminez li mondes, nés li renoiez. Quant il seront ravoié et croiront que Diex soit nez, seront sauf, bien le savez. Dame, aiez de nos pitié! |
| VI | |
| Douce dame or uos pri ie merci q(ue) me deffendez. q(ue) ie ne soie damp nez ne perduz par mo(n) pechie. |
Douce dame, or vos pri je merci, que me deffendez que je ne soie dampnez ne perduz par mon pechié! |
Links:
[1] https://gallica.bnf.fr/ark:/12148/btv1b53000323h/f640.item
