[c. 15rb]
 |
li rois de nauarre Tuit mi desir et tuit mi grief torment; uiennent de la ou sont tuit mi pense. g(ra)nt poor ai pour ce que toute gent; qui ont ueu son gent cors aces me. mont si sorpris de bone uo |
[c. 15va]
 |
lente. nes dex laime gel sai a encient. grant merueille est quant il en suesfre tant. Touz esbahis moubli en merueilla(n)t; ou dex trouua si estrange biau te. quant il la mist ca ius en tre lagent; m(u)lt nos en fist g(ra)nt debounairete. car tout le mont en a enlumine. de sa biaute so(n)t tuit li bien si grant; nus ne la uoit qui ne len die auta(n)t. Sou uiengne uous dame du douz a cueil; que ie ai fet par si gra(n)t desirrier. que norent pas tant de pouoir mi oeil; que ie uers uous les osasse lancier. de ma bouche ne uos osai prier. ne poi dire dame ce que ie uueil; tant sui coars las chetis or men dueil. Bone auenture auiengne fol espoir; qui les amanz fet uiure et resioir. desperance fet languir et dolo ir; et mes fox cuers pense a des aguerir. sil fust sages |
[c. 15vb]
 |
il me feist morir. pour ce fet bon de la folie auoir; quen t(ro)p grant sens puet il bien mes choeir. |
| I | |
| Tuit mi desir et tuit mi grief torment; uiennent de la ou sont tuit mi pense. g(ra)nt poor ai pour ce que toute gent; qui ont ueu son gent cors aces me. mont si sorpris de bone uo lente. nes dex laime gel sai a encient. grant merueille est quant il en suesfre tant. |
Tuit mi desir et tuit mi grief torment viennent de la ou sont tuit mi pensé. Grant poor ai, pour ce que toute gent qui ont veü son gent cors acesmé m’ont si sorpris de bone volenté. Nés Dex l’aime, gel sai a encïent; grant merveille est, quant il en suesfre tant. |
| II | |
| Touz esbahis moubli en merueilla(n)t; ou dex trouua si estrange biau te. quant il la mist ca ius en tre lagent; m(u)lt nos en fist g(ra)nt debounairete. car tout le mont en a enlumine. de sa biaute so(n)t tuit li bien si grant; nus ne la uoit qui ne len die auta(n)t. |
Touz esbahis m’oubli en merveillant ou Dex trouva si estrange biauté; quant il la mist ça jus entre la gent, mult nos en fist grant debounaireté. Car tout le mont en a enluminé, de sa biauté sont tuit li bien si grant; nus ne la voit qui ne l’en die autant. |
| III | |
| Sou uiengne uous dame du douz a cueil; que ie ai fet par si gra(n)t desirrier. que norent pas tant de pouoir mi oeil; que ie uers uous les osasse lancier. de ma bouche ne uos osai prier. ne poi dire dame ce que ie uueil; tant sui coars las chetis or men dueil. |
Souviengne vous, dame, du douz acueil que je ai fet par si grant desirrier, que n’orent pas tant de povoir mi oeil que je vers vous les osasse lancier; de ma bouche ne vos osai prïer, ne poi dire, dame, ce que je vueil; tant sui coars, las, chetis! Or m’en dueil. |
| IV | |
| Bone auenture auiengne fol espoir; qui les amanz fet uiure et resioir. desperance fet languir et dolo ir; et mes fox cuers pense a des aguerir. sil fust sages il me feist morir. pour ce fet bon de la folie auoir; quen t(ro)p grant sens puet il bien mes choeir. |
Bone aventure aviengne fol espoir, qui les amanz fet vivre et resjoïr! Desperance fet languir et doloir, et mes fox cuers pense adés a guerir; s’il fust sages, il me feïst morir. Pour ce fet bon de la folie avoir, qu’en trop grant sens puet il bien meschoeir. |
Links:
[1] https://gallica.bnf.fr/ark:/12148/btv1b6000955r/f39.item
