.jpg) .jpg) .jpg) |
folqe de marseilha.
Si tot me sui atart a perceubutz. aisi co(m) cel qa tot perdut e uira. qe mais non iog a gran bo nauentura. mo dei tener q(a)r me sui conogutz. del grant engan qamors ues mi fazia. mais de detz anz a lei de mal deptor. qades promet e ren no(n) pagaria. Ab bels semblans qe falsamor(s) adutz. Satrai ues leis fols amanz e satura. qol parpailhos qa tan folla natura. qel fer el foc per la clartat qe lutz. Ma(s) ieu men part e segrai autra uia. sui mal pagatz qestiers no men partria. esegrai laip de tot bon sofridor. qi sirais fort si co(m) lieu sumelia. qabel se(m)blan ma re(n)gut enfadia. PEro nous pens si ben sui irascutz. ni fatz deleis enchantan ma rancura. q(ui)eu diga tan q(ue) sem ble desmezura. mas ben sap cha qa son ops sui perdutz. qanc sobre fren non uolc me nar un dia. anz mi fes far mon poder tota uia. canc se(m) pre et cauals de gran ualor. qil biurda trop soueniz cuelh feunia. FEls for ieu ben mas su(i) men atengutz. qar qa plus fort de si fai desmezura. fai gran foldit neis en gran aue(n)tura. es de son par qesser en pot ue(n) cutz. e a plus freuol de si fai uilania. per qanc nomplac ni platz sobranzaria. pero e(n) sen deuom gardar honor. qe sen aunit non pretz plus qe follia. Amors per so men sui ieu rete(n) gutz.de uos amar qe mais non aurai cura. qaissi co(n) ma is prezom laia penchura. qa(n) es de loinh qe pueis qes pres uengutz. prezaua ieu mais uos qan conosia. e sanc uos uuelc mais naic qieu non qeria. qaissi mes pres con alfol qeridor. qe qes qaurs fos tot so qel tocaria. BEls aziman samors uos destre inhia. ezentotz temps ieu uo(s) conseilheria. qe uos nenbres qan nai ieu de dolor. ni qan de ben ia plus nous encalria. E plus leial sab los hueilhs uos uezia. aissi con fatz ablo cor tota uia. So qieu ai dich porri auer ualor. qieu qier co(n)seilh e conseilh uos daria.
|