 |
li rois de nauar re Phelipe ie uous demant; dui ami de cuer uerai. sont qui aiment loiaument; bacheler legier et gai. li uns a tout so(n) talent li autres est a lessai. qui doit melz uenir auant li amez ou cil qui prie. Cuens sa |
 |
chiez certainement; li amez est fors desmai. et pour cest il plus engrant; de melz ualoir bien le sai. quant plus a (et) pl(us) enprent; et plus fet bien sanz delai. ne cil ne puet ualoir ta(n)t qui qiert merci et aie. Phe lipe cil qui reqiert doit melz ualoir par raison. que toutez bontez asfiert a atendre a si haut don. cil sesforce qui con qiert mes cil qui en est enso(n). iames partir ne se qiert por nus pris dauec samie. Cuens ia nus prierres niert qil nait duel et soupecon. et pensee au cuer le fiert conment il aura pardon. mes cil qui a ce qil qiert ne pense sa ualoir non. ioie son pris li conqiert et sa dame qui len prie. Phelipe plus doit ualoir; cil qui ueut entendre ali. et qui atent mai(n) et soir de sa dame auoir merci. cist pensers li fet auoir le cuer uaillant et hardi. trop fet cil melz son pouoir qui a sa ioie a conplie. |