A cura di Marianoemi Bova
 |
li rois de nauar re Les douces dolors et li mal |
 |
plesant. qui uiennent damors sont douz et cuisant. et qui fet fol hardement apaines aura se cors. genfis un dont la poors; men tient el cors que gen sent. Bien est grant folors damer loiaument. qui porroit aillors changier son talent. he dex gen ai apris tant. qancois se roit une tors. portee a terre de flors. quon men ueist re creant. Lonc respit mo(n)t mort et grant desirrier. et ce qua son tort me uout corrocier. mains en fera a prisier. se ie nai de li confort. quel mon de na riens si fort por li ne me fust legiere. Ie chant et deport pour moi solacier. et uoi en ma sort ennui et dangier. si porrai bien perillier. quant ne puis uenir aport. ne ie nai aillors resort sanz maleiance brisier. Dame iai tout mis |
 |
et cuer et penser. en uous et assis sanz ia remuer. se ie uo loie aconter. uostre biaute u(ost)re pris. iauroie trop anemis. por ce ne men os parler. |
| I | |
| Les douces dolors et li mal plesant. qui uiennent damors sont douz et cuisant. et qui fet fol hardement apaines aura se cors. genfis un dont la poors; men tient el cors que gen sent. |
Les douces dolors et li mal plesant qui viennent d’amors sont douz et cuisant, et qui fet fol hardement a paines avra secors g’en fis un dont la poors m’en tient el cors que g’en sent. |
| II | |
| Bien est grant folors damer loiaument. qui porroit aillors changier son talent. he dex gen ai apris tant. qancois se roit une tors. portee a terre de flors. quon men ueist re creant. |
Bien est grant folors d’amer loiaument. Qui porroit aillors changier son talent! Hé, Dex! G’en ai apris tant, q’ançois seroit une tors portee a terre de flors qu’on m’en veist recreant. |
| III | |
| Lonc respit mo(n)t mort et grant desirrier. et ce qua son tort me uout corrocier. mains en fera a prisier. se ie nai de li confort. quel mon de na riens si fort por li ne me fust legiere. |
Lonc respit m’ont mort et grant desirrier et ce qu’a son tort me vout corrocier. Mains en fera a prisier, se je n’ai de li confort, qu’el monde n’a riens si fort por li ne me fust legiere. |
| IV | |
| Ie chant et deport pour moi solacier. et uoi en ma sort ennui et dangier. si porrai bien perillier. quant ne puis uenir aport. ne ie nai aillors resort sanz maleiance brisier. |
Je chant et deport pour moi solacier et voi en ma sort ennui et dangier, si porrai bien perillier quant ne puis venir a port, ne je n’ai aillors resort sanz ma lejance brisier. |
| V | |
| Dame iai tout mis et cuer et penser. en uous et assis sanz ia remuer. se ie uo loie aconter. uostre biaute u(ost)re pris. iauroie trop anemis. por ce ne men os parler. |
Dame, j’ai tout mis, et cuer et penser, en vous et assis sanz ja remuër. Se je voloie aconter vostre biauté, vostre pris, j’auroie trop anemis; por ce ne m’en os parler. |
Links:
[1] https://gallica.bnf.fr/ark:/12148/btv1b550063912/f58.item
