| c. 189v | |
 |
Bertrans deborn. DOmpna puois demi nous cal. E partit mauetz de uos. Senes to tas ochaisos. nonsai on menqieira. Q(ue) ia mais. non er p(er)mi tant rics iais. Cobratz esi del semblan. Non trob do(m)p na amon talan. Qem uailla uos qai p(er)duda. Jamais non uuoill auer dru da. Pois nous puosc trobar engal.Q(ue) sia tant bella nipros. Ni sos rics cors ta(n)t ioios. detant bella tieira.Ni ta(n)t gais. Ni sos rics pietz tant uerais. Jrai p(er)tot agaran.dechascuna unbel semblan. p(er) far dompna soiseubuda.Troi uos me siatz renduda. Fresca color natural. pren bels cem belins deuos. El doutz esgart amoros. Efatz gran sobrieira. Car renlais. Canc res deben nous sofrais.Midonz dals deman.Son adreich parlar ga ban.Qem don amidonz aiuda. pois non er fada ni muda. Dechales lauescomtal. Vuoill qem
|
 |
done adestors.La gola elmans amdos. pois tenc ma carrieira. Nombiais.uas roca coart meslais.Alpel nagnes qe(m) daran.Quiseutz ladompna tristan. Q(ue) fon p(er)totz mentauguda. Nolsac ta(n)t belz asaubuda. Naudiartz sibem uol mal.Vuoill qe(m) don desas faissos.Qieil esteu gen lia zos. Ecar es entieira. Canc nois frais. samors nis uols enbiais. amomieils deben deman.Son adreich nou cors p(re) zan.Deque par alaueguda. Lafassa bon tener nuda. Dena faidida atrestal. Vuoill sasbel las denz endos. Lacuillir elgen respos. don es presentieira.dinz son ais. Mos bels miraills uuoill qem lais.sa gaieza eson garan. Ecar sap son bel estan.Far don es reconoguda.enois cambia nis muda. Belz seigner eu nous qieral.Masque fos tant cobeitos.daqestas cum sui de uos. Cuna lechadeira.Amors nais.don mos cors es tant lechais.Mais uuoill de uos lodeman. Q(ue) autra tener baisan. doncs midonz p(er)qem refuda.pois sap que tant lai uolguda. Papiol mon aziman.Manaras dir enchantan. Camors es desconoguda. Sai edaut bas cazeguda. |
| I | |
|
DOmpna pois demi nous cal. Epartit mauetz de uos. Senes totas ochaisos. Nosai omen q(ue)i- ra. Que iamais. No(n) er p(er)mi tant rics iais. Cobratz. Esi del senblan. Nom trob do(m)na mo(n)ta- lan. Que uailla uos quai perduda. Jamais non uoill auer druda. |
Dompna, pois de mi no·us cal |
| II | |
|
Pois nous puosc trobar engal.Q(ue) sia |
Pois nous puosc trobar engal, que sia tant bella ni pros, ni sos rics cors tant joios de tant bella tieira, ni tant gais, ni sos rics pietz tant verais. Jrai pertot agaran de chascuna un bel semblan per far dompna soiseubuda, troi vos me siatz renduda.
|
| III | |
|
Fresca color natural. pren bels cem |
Fresca color natural pren, Bels Cembelins, de vos e·l doutz esgart amoros e fatz gran sobrieira car ren lais c'anc res de ben no·us sofrais. Midonz D'Al·s deman son adreich parlar gaban q·em don a midonz aiuda, pois non er fada ni muda. |
| IV | |
|
Dechales lauescomtal. Vuoill qem |
De Chales la vescomtal vuoill qe·m done ad estors la gola e·l mans amdos. Pois tenc ma carrieira no·m biais, vas Rocacoart m'eslais al pel n'Agnes qe·m daran qu'Iseutz, la dompna Tristan, que fon per totz mentauguda, n·ols ac tant belz asaubuda. |
| V | |
|
Naudiartz sibem uol mal.Vuoill qe(m) |
N'Audiartz, si bem vol mal, vuoill qe·m don de sas faissos qie·il esteu gen liazos. E car es entieira c'anc nois frais s'amors, ni·s vols en biais, a mo·Mieils De Ben deman son adreich nou cors prezan, de que par a la veguda la fassa bon tener nuda. |
| VI | |
|
Dena faidida atrestal. Vuoill sasbel |
De Na Faidida atrestal vuoill sas bellas denz en dos, l'acuillir el gen respos don es presentieira dinz son ais. Mos Bels Miraills vuoill q·em lais sa gaieza e son garan, e car sap son belestan far don es reconoguda e no·is cambia n·is muda. |
| VII | |
|
Belz seigner eu nous qieral.Masque |
Belz Seigner, eu no·us qier al mas que fos tant cobeitos d'aqestas cum sui de vos, c'una lechadeira amors nais don mos cors es tant lechais mais vuoill de vos lo deman que autra tener baisan. Doncs, midonz per q·em refuda pois sap que tant l'ai volguda? |
| VIII | |
|
Papiol mon aziman.Manaras dir |
Papiol, mon Aziman, m'anaras dir en chantan c'amors es desconoguda sai e d'aut bas cazeguda. |
Links:
[1] https://digi.vatlib.it/view/MSS_Vat.lat.5232
