[141ra]
 |
A B ioi (et) ab iouen mapais. |
[141rb]
 |
ni ai encor q(ue)m nestraia. Molt me platz quar sai q(ue) ual mais. Sel q(ue)u plus desir que maia. Ecel que p(re)miers lo ma trais. Dieu prec q(ue) gran ioi la traia. Equi qe mal len retraia. No(n) creza fors so quiel retr ais. Com cuoill mai(n)tas ues lo balais. ab qel mezeis si ballaia. Domna q(ue)n bon pretz senten. Deu ben pau zar sentende(n)ssa. Enu(n) pro cauallier ualen. pois iconois sa ualensa. Que laus amar a presensa. Edomna pois ama presen. Ja pois li pro eli ualen. No(n) diran mais auine(n)sa. Queu nai chausit un pro eien. p(er) cui pretz meillure iensa. larc (et) adreg [2] econoissen. On es sens econoissenssa. prec li q(ue)u naia creze(n) sa. Ni hom nol posca far crezen. Q(ue)u fassa uas lui faillimen. Sol n(o) trob enlui faille(n)sa. Flors la uostra uale(n)sa. Sabon li pro eli ua len. P(er) q(ue)u uos quier dema(n)tene(n). Suis platz uostra ma(n)tenenssa. |
| I | |
|
A B ioi (et) ab iouen mapais. Eiois eiouens mapaia. Quar mos amics es lo plus gais. p(er) q(e)u sui cue(n) da egaia. Epois eu li sui ueraia. Be taing quil me sia uerais. Quanc d(e) lui amar nomestrais. ni ai encor q(ue)m nestraia |
Ab ioi et ab ioven m'apais, e iois e iovens m'apaia, quar mos amics es lo plus gais, per q'eu sui cuenda e gaia e pois eu li sui veraia, be taing qu’il me sia verais, qu’anc de lui amar no m'estrais ni ai en cor que·m n'estraia. |
| II | |
| Molt me platz quar sai q(ue) ual mais. Sel qu(eu) plus desir que maia. Ecel que p(re)miers lo ma trais. Dieu prec q(ue) gran ioi la traia. Equi qe mal len retraia. No(n) creza fors so quiel retr ais. Com cuoill mai(n)tas ues lo balais. ab qel mezeis si ballaia. |
Molt me platz quar sai que val mais sel qu’eu plus desir que m’aia, e cel que premiers lo m’atrais Dieu prec que gran ioi l’atraia; e qui qe mal l’en retraia, non creza, fors so qu’ie·l retrais c’om cuoill maintas ves lo balais ab q’el mezeis si ballaia. |
| III | |
| Domna q(ue)n bon pretz senten. Deu ben pau zar sentende(n)ssa. Enu(n) pro cauallier ualen. pois iconois sa ualensa. Que laus amar a presensa. Edomna pois ama presen. Ja pois li pro eli ualen. No(n) diran mais auine(n)sa. |
Domna qu’en bon pretz s’enten deu ben pauzar s’entendenssa en un pro cavallier valen; pois i conois sa valensa, que l’aus amar a presensa; e domna, pois am’a presen, ia pois li pro e li valen non diran mais avinensa. |
| IV | |
| Queu nai chausit un pro eien. p(er) cui pretz meillure iensa. larc (et) adreg econoissen. On es sens econoissenssa. prec li q(e)u naia creze(n) sa. Ni hom nol posca far crezen. Q(e)u fassa uas lui faillimen. Sol n(o) trob enlui faille(n)sa. |
Qu’eu n’ai chausit un pro e ien, per cui pretz meillur’e iensa. Larc e adreg e conoissen, on es sens e conoissenssa. prec li q’eu n’aia crezensa, ni hom no·l posca far crezen q’eu fassa vas lui faillimen, sol no trob en lui faillensa. |
| V | |
| Flors lauostra uale(n)sa. sabon li pro eli ua len. P(er) q(e)u uos quier dema(n)tene(n). Sius platz uostra ma(n)tenenssa. |
Flors la vostra valensa sabon li pro e li valen. Per qu'eu vos quier de mantenen, si·us platz vostra mantenenssa. |
Links:
[1] https://gallica.bnf.fr/ark:/12148/btv1b8419245d/f295.image
[2] https://letteraturaeuropea.let.uniroma1.it/?q=laboratorio/annotazione-lessico-semantica
