Published on Lirica Medievale Romanza (http://151.100.161.88)

Edizione diplomatica

COnhert ara sai eu be.
Qe ges de mi no(n) pensatz.
Pois salutz ni(m)amistatz.
Ni messagier nomen ue.
Trop cuig qes faz long aten.
Et es ben senblan oimai.

Ço cautre pren pois nom ue(n)c aue(n)tura.

Mon conort canc me soue.
Cum fui ges p(er) uos onratz.
Et cara uos moi oblidatz.
P(er) un pauc no moir de se.
Qeo mete(m)ps uai en qeren.
Em met de foudatz en plai.
Et car mi don sobre pren.
De la meia forfaitura.

Qeo len colpe de tal re.
Don mi degra saber gratz.
Mais fe qeu dei auergnatz.
Tot le fei p(er) bona fe.
Et seu en amor mespren.
Tort a qi culpa men dai.
Car qi en amor qier sen.
Cel no(n) a sen ni mesura.

Per ma culpa mi deue.
Qe ia no(n) sia priuatz.
Qen uar leo no(n) sui tornatz.
Per foudatz qi me rete.
Tant ai estat loniamen.
Qe deuegngna qeu ai.
Non aus auer ardimen.
Ia ou sil noma segura.

TAnt er ges seruit p(er) me.
Son dur cor fel (et) iratz.
Tro sia totz adoi(n)zaz.
A bel dig (et) ab merce.
Qe ai ben trobat lengen.
Qe gotta daiga cant chai.
Fert en un loc tan souen.
Tro caua la peira dura.

Qui ben remira ni obre.
Oilz egolle efront efatz.
Tant es sa fina beutatz.
Qe mais ni men noi coue.
Cors lung dreit ecouinen.

Gens afublan cointes egai.
Ço no(n) posc lauzar tan gen.
Cu(m) la sap formar natura.

Chanzoneta or ten uai.
Uas mo(n) frandes lauinen.
Cui pretz enanza emeillura.

Digatz li qe ben uai.
Qe de mon conort aten.
Enqera bon auentura.

letto 375 volte

Source URL: http://151.100.161.88/?q=laboratorio/edizione-diplomatica-2250