Don Gonçalo, pois queredes ir daqui pera Sevilha,
por veerdes voss' amigo, e nono tenh' a maravilha,
contar-vos-ei as jornadas legoa a legoa, milha a milha.
 
E ir podedes a Libira e torceredes ja quanto,
e depois ir a Alcalá sen pavor e sen espanto                                   5
que vós ajades d' i perder a garnacha nen no manto.
 
E ũa cousa sei eu de vós e tenho por mui gran brio,
e poren vo-lo juro muito a firmes e afio:
que sempre avedes a morrer en invern' ou en estio.
 
Eu porende vo-lo rogo e vo-lo dou en conselho                               10
que vós, entrante a Sevilha, vos catedes no espelho
e non dedes nemigalha por mente de Joan Coelho.
 
Por que vos todos amassen sempre vós muito punhastes,
bõõs talhos en Espanha metestes, pois i chegastes,
e quen se convosco filhou, sempre vós d' el gaanhastes.                15
 
Sen esto, fostes cousido sempre muit' e mesurado,
de todas cousas comprido e apost' e ben talhado,
e enos feitos ardido e muito aventurado.
 
E pois que vossa fazenda teedes ben alumeada
e queredes ben amiga fremosa e ben talhada,                                 20
non façades dela capa, ca non é cousa guisada.
 
E pois que sodes aposto e fremoso cavaleiro,
guardade vos de seerdes escatimoso ponteiro,
ca dizen que baralhastes con Don Joan Coelheiro.
 
Con aquesto que avedes mui mais ca outro compristes;                  25
u quer que mão metestes, guarecendo, en saistes;
a quen quer que cometestes, sempre mal o escarnistes.
 
E non me tenhades por mal, se en vossas armas tango:
que foi das duas espadas que andavan en ũu mango?,
ca vos oí eu dizer: - Con estas petei e frango.                                  30
 
E ar oí-vos eu dizer que a quen quer que chagassen
con esta vossa espada, que nunca se trabalhassen
jamais de o guareceren, se o ben non agulhassen.
 
E por esto vos chamamos nós "o das duas espadas",
por que sempre as tragedes agudas e amoadas,                             35
con que fendedes as penas, dando grandes espadadas.